TOP 7 - ikus entzunezko komunikazioan lehen zazpi bideo guneak-
1.- IKASTUBE
Ikasgaiarekin nola ikus entzunezko komunikazioa deituriko karrerarekin berarekin halako harreman estua izateagatik jarri dut lehen postuan web gune hau. Izan ere, gaur egungo errealitatean, digitalizazioaren mundu berri honetan, garrantzi berezia nola presentzia ikaragarria hartzen dute telebistaz kanpoko ikus entzunezko komunikabideek, esaterako, blog-etan aurkitzen ditugun telebista programa propioak. Hauek egiteko ordea, nola ikus entzunezko bestelako komunikabide alternatibo (telebistatrekin alderatuta) guzti hauek egiteko azalpen eta instrukzioak, hala ezagutza minimoak ezinbestekoak dira. Horregatik hain zuzen lehengo postu hau, bertan aurkitzen diren bideo askotan, denetan ez esateagatik azalpen hauek agertzen zaizkigulako.
2.- IKASVLOGAK
Aurreko arrazoiketa berari jarraiki, erabat interesgarria iruditu zait gune hau. Izan ere bertan, karrerarako nola ikasgairako oso erabilgarriak izango zaizkigun irakaspenak barneratzen dira bideo bitartez eskainiak, eta aldi berean zenbait lotura aberasgarri luzatzen zaikigun bitartean. Gainera, gaiaren inguruan ezagutza duten pertsonei eskaintzen zaizkien elkarrizketak nola hauek buruturiko azalpenak azaltzen dira, ingelesez izanik ere euskarazko azpitituluekin.
3.- EITB.COM
Bigarren postuan jarri dut web orri hau, bideoak agertzeaz gain, gaur egun Euskal Herriko komunikabide garrantzitsuenetako bat bezala hartzen delako. Ez agian onena eta osatuena delako, nahiz eta alde horretatik ere oso ondo egon nire aburuz, baizik eta eskuraerraza delako, nola erabat erabilgarria. Bertan, berriekin zerikusia duten bideoez gain, hau da kazetaritzazkoak, bestelako bideo pila aurki daitezke, eta garrantzitsuena deritzodana, norberak bere aportazioak egiteko aukera ematen duen eremua da.
4.- BERRIA TB
Hirugarren postuan jarri dut Berria.info-k eskainiriko zerbitzu hau, izan ere, kazetaritzaren ingurunean oinarritua izanik gure ikasketak garrantzia ematen diot, nahiz eta hemen aurkitzen ditugun albiste, irudi gehienak dagoeneko eitb.com web gunean ikusgai izan. Horietaz gain, badaude osagarriak diren ikus entzunezko baliabide gehiago, denak beti ere euskal ingurunearekin zerikusia dutenak eta albiste kutxuarekin.
Interesgarri eta baliagarria delako, eta euskaraz nola eskuragarria delako jarri dut hemen, eta aldi beren, komunikabide azpimarragarria izanik, konfiantza ematen duelako, aurrez aipaturiko guneen antzera.
5.- EUSKALTUBE.
Gune hau ere, norberaren kazetari dena pisteko prestatua dagoela esango nuke, erabiltzailea hartzaile huts izatetik, igorle izatera gonbidatzen duelarik. Eta aldi berean, euskara hutzean eginik bideoak jartzen ditu eskuragarri, gai edozelakoa dela ere. Horregatik, hizkuntzaren aldetik batez ere, erabilgarria dela deritzot, erabilera errazekoa egiten zaidalako, nola hurbilekoa. Eta aldi brean, hurrengo bi guneekin alderatuz, seriotasun maila handiagoa ikusten diot entzunezko eskaintza ederrarekin.
6.- YOUTUBE
Argi dago, aurrez eta ondoren aipatuko ditudan ikus entzunezko komunikazioako gune guztien artean, seguruenik hau izango delako, ikuslegoak edo erabiltzaileek gehien erabili edo ikusiko dutena. Izan ere bertan milaka dira aurki ditzakegun bideoak, askotan gero blog-etan aurki ditzakegun berdinak direnak, edo alderantziz. Informazio edo bideo inturri nabarmenetarikoa den arren, ez dut lehen hiru postuetan jarri, ez duelako konfiantzarik ematen eta aldi berean, bertan aurki ditzakegun bideorik gehienak garrantzirik gabeko, lagunarteko bromazko bideoak direlako. Hori dela eta, bideo iturri azpimagarria den aren, ez zait iruditzen komunikazioaren ildoan ematen zaion presentzia zor zaionik.
7.- GOGLE Video.
Aurrekoa bideo iturri nabarmenena den bezala, hemen aipatzen dudan hau bilatzaile guztien artean agian erabilgarriena izango da, entzutetsuena bai behintzat. Horregatik, eta agian bere bideo gunea hain ezaguna ez den arren, egunero egunero milaka dira gune horretarako sarreratik pasatzen diren erabiltzaileak, askok, youtube-ren antzera ere erabiliko dutelarik. Hemen ordea, aurrekoaren antzera, bideo ugari ikusi ditzakegun arren, asko youtube-koak, besterik gabeko ugari daude, baina interesgarriagoak izan daitezkeen ikus entzuneko web guneak baino ezagunagoa da erabat.